張智霖(Chilam)同何浩文(Dominic)今日分別現身旺角,為電影《PetPet當家》宣傳及舉行首映禮。
Chilam話啱啱喺意大行旅行回來,同仔仔魔童齊齊放暑假,佢玩直播嗰陣,魔童仲搶鏡現身:「佢都會要求我玩live,小朋友實覺得好有趣,覺得可以識到好多朋友。佢Instagram都好多朋友,都有啲虛榮感。」
不過佢強調不會支持兒子加入娛樂圈,仲「踩」佢冇天份:「世界上有好多工作可以回饋社會,我覺得佢冇天份,係咪好狠呢?可能佢啲fans會叫我收檔,但係教育先係最重要。」
而最近同麥明詩好close嘅Dominic,啱啱喺上海回來,問佢點解唔請埋麥明詩睇首映?佢話:「我上網見到佢喺長洲玩。」你都好關心佢喎!Dominic話:「打開電話就見到,咁啱啫。」
Dominic話聽日會同麥明詩出席電視劇宣傳,不過唔會避忌:「我哋都係兩公婆啦。」咁係咪可以奉旨親熱?佢話:「唔會卦,大庭廣眾。我係高登俾人問有冇錫過,我答好多次,拍戲嗰時,因為要轉機位。」