坐擁超過1,200億資產嘅華人置業前主席劉鑾雄（大劉），噚日被《蘋果》率先爆出喺11.18入紙，同細自己28年嘅女友陳凱韻（甘比）排期結婚，「劉甘歲月」開花結果。(新聞連結： http://bit.ly/2fpMDbt )

回顧過去，大劉多年不乏紅顏知己，要數大劉花盡心思去o氹嘅，李嘉欣肯定係其中一個，仲記得06年6月李嘉欣生日當日，大劉就喺報章刊登全版廣告，祝嘉欣「生日快樂」。

大劉選擇再娶，至於8年前同許晉亨結婚嘅李嘉欣，喺上個禮拜二(15日)大劉發聲明同呂麗君斷絕關係開始，一直冇update微博，沉寂個幾禮拜後，許太今日終於更新微博，仲要係放晒閃嗰隻，貼相貼文話「今天我們結婚8年了！」

時間夾得啱啱好！