日本過氣CM女王菊川怜今日亮相有份主持嘅直播節目時，於鏡頭前公佈已婚消息，令39歲嘅佢終於告別單身，一嚐嫁人心願。

菊川怜跟同門女星米倉涼子曾獲Oscar事務所力捧，一度活躍日劇及廣告界，更曾登上CM女王寶座，而畢業於東京大學嘅菊川怜近年轉型成節目主持，於今早節目開始時，錄影廠掛上「祝　脱・獨身」，菊川怜自爆已經結婚，對方係一個40代(40至49歲)圈外男性，節目拍檔小倉智昭向菊川怜獻花恭賀，令菊川怜即感動落淚。