【新增影片】

跌市有人歡喜有人愁，有散戶指「心情差啊」不受訪，有散戶則見盡大風大浪指「我玩股玩咗幾十年，呢啲場面見慣，唔洗驚」。今早港股低開逾千點，散戶盧先生表示「我買貨，每一次大跌，我都買貨」，並指買的當然不是美國總統特朗普針對的，而是有潛力的地產股，並指「喺香港，地產股係唔洗驚架，只要佢個價位唔係高到好似騰訊嗰啲，就得架啦」。

盧先生認為貿易戰的消息「預咗」，市場只是借勢調整，並懷疑總統特朗普用關稅壓迫中國，「要中國幫佢手同北韓講數」，因為貿易戰爆發，大家都沒有好處，即「兩敗俱傷」。他料今天最低位約700點，下周股市會回升一點，「今日呢最多跌成千點，下個禮拜即日反彈多200零點好正常」。至於騰訊，他說「嗰隻股我唔玩架」，因為價位太高，100股要數萬元，不如把錢放至其他十多元的股份，「我個得益同收益係好多」。

散戶黃先生也淡定說「唔驚！點會驚，炒股票唔驚」，又指肯定今天30,000點有支持。他今早也有撈富力（2777），而暫時不會買騰訊，要觀望大市的上落位置。他又指認一月份已經上落市四千多點，一年最多只是六千多點上落。

蘋果財經，關心你飯碗
http://fb.com/appledailyatm