今晚周柏豪、官恩娜(Ella)、陳柏宇、楊愛瑾(Miki)等出席Audi新車發佈會，搞到新車，柏豪就話想換車，記者就問佢係咪搵好多錢?柏豪話:「供之嘛，想買幾多位數嘅車就唔講，呢排數字令我好煩。」原來係因為佢話自己都30歲同埋搞生意都令佢好煩喎。

講到近期有報道又再之講返，話佢媾波友個細妹，令余文樂大怒，新廣告仲飛起柏豪斷佢米路咁話。今日柏豪就話:「同阿樂完全冇問題，我哋成日聯絡，有時佢哋去旅行都叫埋我，我冇睇段報道，唔係事實，唔多作回應。」咁見到樂仔會唔會尷尬?佢話:「冇，冇討論過件事，個廣告其實我第一年冇參與，第二次公司覺得可以玩下，至於第3次，因為我9月有演唱會，搵緊贊助商，驚到時有衡突，同樂仔絕對冇影響感情。」柏豪又話樂仔幫咗佢好多，份人又夠義氣。咁究竟同波友個妹有冇拍拖呢?佢就話冇，咁會唔會影響同女友嘅友感，佢又再次遊花園話:「我同所有人都感情穩定。」