早排大爆同何傲兒（Lily）拍拖其間，被對方要求廿萬生活費，而且何父更嫌棄佢出身，搞到何家要向佢發聲明，表示保留追究權力嘅周子揚，（新聞連結：　 http://goo.gl/eioXjx 　），今日去咗一間火鍋店出席開幕活動，問到結果有冇收到何家嘅律師信？佢話：「未收，我覺得大家之前咁友好嘅關係，應該唔會有呢啲情況發生，大家有咩問題咪傾番。」

咁仲有冇同何家聯絡？佢話：「冇呀，不過我識嘅Lily同GiGi都係好好嘅，所以唔擔心，我覺得件事已經完滿結束。」又話事隔一星期，諗番當時可能激動咗少少，0依家就冇咩嘢啦，專心做嘢。

點解突然轉晒口風？佢猛話唔係，仲話自己好多時間去內地登台，工作排得好密，冇理由仲繼續講，又話即使將來同場都冇問題喎。