張栢芝日前在公開場合失控罵記者後,又指記者問IQ低的問題,令到她EQ低,而其緋聞男友陳小春則公開力撐她,兩人的感情看來相當不錯。他們更於明年一月二十四日大年初三,聯袂到美國拉斯維加斯威尼斯酒店登台,屆時兩人可在賭城過新春,感情應可跨進一大步。
「俾人撩唔好理」
栢芝昨日與劉青雲、秦沛、古天樂、李珊珊和中國星老闆向華強夫婦等,參加在尖沙嘴舉行的新片《忘不了》慶功宴,《忘》片上畫六日,截至前日約收六百多萬元。
栢芝經過與記者衝突事件後,昨日心情亦未受太大影響,不過當她坐在向太旁邊時,不時見向太跟她說話,而栢芝則扁嘴和面黑黑。
事後向太見傳媒並未主動採訪自稱EQ低的栢芝,忙替栢芝向傳媒解釋說:「我已經同栢芝傾過偈,叫佢唔好理人哋講乜嘢,俾人撩都唔好理。佢細路女,演技好,你哋錫吓佢啦!我都會好好教吓佢。件事唔提就冇人理,屎唔撩就唔臭。」
此外,古仔亦指自己的EQ不算高,他說:「中國星啲藝人一般EQ都唔算高,我自己都學咗好耐,不過我覺得栢芝開工時情緒波動唔係好大,有啲嘢可能係心病還需……。」
古仔狂煲舊片
近期古仔忙於演出《鬼馬狂想曲》,由於他在片中要模仿許冠傑,導演韋家輝要求他看《鬼馬雙星》影碟,古仔說:「許冠傑冇乜小動作,要學佢都唔容易。」
採訪:魯萍
攝影:陳烱威