第87屆奧斯卡公佈提名名單,最佳動畫提名有《大英雄聯盟》(BigHero6)、《馴龍記2》(HowtoTrainYourDragon2)、《怪誕小箱俠》(TheBoxtrolls)、《輝耀姬物語》同《SongoftheSea》。
由高畑勳改編古典文學《竹取物語》嘅《輝耀姬物語》更加係首次有宮崎駿以外嘅吉卜力動畫獲提名,可惜《LEGO英雄傳》(TheLegoMovie)就未獲提名。宣佈名單當日,導演PhilipLord當然大表失望,佢就係網上放咗自己用lego砌成嘅小金人自我安慰,佢留言話:「冇問題,我自己整一個。」認真搞笑。
未知今晚奧斯卡大會是否想補飛定點,頒獎禮上特別安排一節《LEGO英雄傳》載歌載舞表演,掀起頒獎禮第一個高潮,唔少未瞓嘅小朋友都話睇呢part睇得好開心添!