洪永城被指趁唐詩詠同馬國明去拍旅遊節目呢個空檔,約埋一班朋友去夜蒲,人腳入面包括Bird,而舊愛就全程黐到實,事後Bird仲擺相上網,自稱呢個係佢同洪永城嘅婚前派對,附上一張合照加心心圖案,下面有一條圖片說明「明天我要嫁畀你啦。」嘩!呢一下擺明係向唐詩詠挑戰喎!
其實Bird同洪永城關係密切有迹可尋,每逢洪永城出騷整造型Bird都會貼相,人前人後又叫對方做「洪寶貝」或者「熊大人」,甚至更親密叫「熊熊」。呢啲超越男女關係嘅行為,已經響起警號,近月Bird速速刪走所有同「洪寶貝」嘅相,唔知係咪洪永城怕正印唐詩詠誤會,定係驚無綫扎棍,勸退舊愛放佢一馬。
撰文:馮仁昭