韓國綜藝節目《真的漢子：女兵特輯2》噚日播第二集，公開女團f(x)成員Amber突然喊爆嘅真正原因。

話說一班「女兵」接受為期五日四夜嘅魔鬼訓練，突然Amber大喊嚇倒全部人。當大家以為Amber係因為訓練太辛苦而喊時，佢表示係因為有「語言障礙」。

喺美國出世同生活嘅Amber，因為對韓國文化唔係太熟悉，佢表示：「一開始入軍隊時，有超過一百個單字都聽唔明，因為唔明白，所以感覺好差。」