雷神下季離港將基地轉移日本，令好多擁雷躉若有所失，連大摩接受訪問亦指雷神一走，絕對係香港馬圈損失。

其實除雷神外，在港策騎超過15年的柏寶及杜利萊亦會告別，與雷神不盡相同，好明顯係不受到馬迷所關注。

既然時不與我，離開亦未嘗不是一件壞事，今季杜利萊只得15W，頭馬主要來自蔡約翰馬房。

禮拜日（7月1日）杜利萊雖只得兩匹座騎，但相信頭場「五星特工」可以為其多帶來一W。

季內「五星特工」曾由杜利萊策騎贏稍嫌短泥地1200米，同時反映出此馬五班跑泥地惡氣十足。今次難得抽到第3檔，賽前亦有做大閘，杜利萊哀兵上陣豈會錯過？

柏寶周日座騎同樣不多，但算是近期稍有攻力的一次。第四場「超能量」前仗谷草已露過一手，偏偏谷草有大量四班1200米入Q路程不跑，選擇打王牌轉戰田草，賽前極罕見試1000米直路大閘備戰。

季內柏寶策高伯新馬匹有W亦有P，騎練合作並非盲門，「超能量」落入柏寶手必成半冷，絕對符合以小博大的原則。