「胡說八道」呢班圈中姊妹閒時一定聚埋出嚟，不過佢哋一向係大忙人，最近杏兒陀緊B要多啲時間安胎、定欣上咗大陸橫店拍《深宮計》、姚子羚同黃智雯又傳出婚訊，又要返大台開工，咁目前仍然單身嘅36歲李施嬅，似乎好享受一個人嘅精彩，走咗去泰國華欣，連日見佢喺Instagram貼相。

李施嬅剛才喺Ig貼出身穿黑色比堅尼嘅晒背相，大露玉背，寫道"No filter is needed for this beauty"，咁本身靚，當然唔使filter喇!睇佢喺酒店餵魚、又去咗種樹!

睇番李施嬅嘅情路係幾崎嶇，同鄧健泓喺2010年分手後，李施嬅先後同富商潘樹維、告東尼之子告崇恩，以及胡杏兒老公李勝德傳過緋聞，而李施嬅最近又被爆借好友胡定欣過橋，埋袁偉豪身，不過袁偉豪就劃清界線指大家只係好朋友，李施嬅感情都係繼續dry!