當年今日
關於我們

【香港快閃四日】就嚟讀完碩士 陳法拉回紐約:好快返嚟

蘋果日報 2018/03/11 15:44

紐約陳法拉

陳法拉去咗美國修讀戲劇碩士學位,已經讀到最後一年,呢幾年間,法拉有時返香港拍吓廣告賺外快幫補學費,日前佢趁Weekend返港連拍兩個廣告,法拉話:「四日之內,要感受冬夏兩季嘅氣溫,仲未適應到香港嘅天氣。」
雖然四日行程好緊密,休息時間有限,法拉言好彩其中一個拍攝現場有張大床,一到放飯時間,或者換景時,可以瞓一陣叉吓電。而化妝師就趁法拉小睡片刻,靜雞雞爬上床同佢自拍,然後化妝師搞笑咁講:「呢張與神(女神)同眠相流出,應該收到唔少葡萄。」充緊電嘅法拉即刻笑,法拉今日飛返紐約,為最後一個學期剩低嘅課程作準備,今年就順利畢業,佢話好快就會返嚟同大家見面。
empty
陳法拉連拍兩個廣告。
empty
由於行程緊密,陳法拉休息時間有限。
empty