當年今日
關於我們

隔牆有耳:精英心態 鄭若驊拒聽意見出事 - 李八方

蘋果日報 2018/01/24 00:00


新任律政司司長鄭若驊唔單止被揭住所有僭建,仲被爆以首次置業形式購入南區物業,慳咗600萬印花稅,雖則法律上可能冇錯,但道理同觀感就好差,奈何建制派要全力護航,一直小罵大幫忙,難怪西環契仔、立法會議員謝偉俊都忍唔住,代建制派吐出心底話:「(恐怕)唔保得佢幾耐。」
建制派唔敢狠批,皆因阿爺短期內唔會要求鄭若驊落台,有政界中人邊剝花生邊奇怪,政府內到底有冇人向鄭提出拆招建議,何解關公災難接二連三?難道核心人物都被蒙蔽,因為當事人冇講出事實全部?
唔知係咪因為精英心態,據聞鄭若驊唔太肯聽意見,可能覺得自己搞得掂,最終成個僭建風波確實「成也專家,敗也專家」,既然佢係專家,仲使多提示,相信冇人估到佢最終搞到一身蟻。