當年今日
關於我們

【下年結婚要幫手】陳柏宇犯男人通病拖到最後一日先搞

蘋果日報 2016/05/01 06:00

蘋果結婚陳柏宇即時符曉薇林奕匡

陳柏宇(Jason)同林奕匡(Phil)呢對同門師兄弟,即將响六月初拍住開演唱會,兩位晏晝就現身觀塘出席演唱會記招。問到佢兩個已經唔係第一次合作,咁响今次演出上面會有咩突破?Jason笑稱:「應該會試吓玩少林功夫加唱歌跳舞。」

咁兩位各自嘅另一半係咪都會嚟捧場?Jason話:「睇吓佢有無飛啦,無嘅話都要佢自己撲㗎,身為另一半响呢啲時候無理由唔用呢個方法支持。」Phil亦話女友應該都會嚟,不過遠在加拿大嘅家人今次就唔會嚟啦。

早前已經宣佈明年七月會同女友符曉薇拉埋天窗嘅Jason,問到佢依家婚禮籌備情況,佢話好想俾女友全權負責,但女友就想佢幫吓手,Jason仲講笑話:「依家咪好似要交功課咁,唔拖到最後一日唔交咁。」