西班牙國家打吡將會係香港時間晚上8點開打，相信全世界球迷都好關注，不過馬德里體育會教練施蒙尼就唱反調，仲話今晚另一場西甲更加吸引佢。講緊嘅都係今晚開波嘅華倫西亞對維拉利爾，兩隊同屬華倫西亞自治區，都係一場打吡。只要今晚華倫西亞係呢場打吡贏波，就會取代馬體會，升上聯賽第二，難怪施蒙尼又係會緊張啲嘅。

至於馬體會就係昨晚嘅西甲，爆冷輸左畀中下游嘅愛斯賓奴0:1，被破今季西甲不敗身。賽後施蒙尼都盛讚對方表現，話大家都有機會贏，但馬體會犯錯，所以就輸左比賽。問到球隊上半季嘅表現，施蒙尼就話都幾唔錯，「上半季球隊表現幾好，我地踢左差唔多廿場先輸一場，我希望我地下一次輸波，都係廿場之後。」馬體會一月有「DC」迪亞高哥斯達同翼鋒域度奴可以上陣，相信成績會再提升。

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM