蘋果「送暖行動」
獨居弱老禦寒賴善長送暖
蘋果日報 2004/12/19 00:00
蘋果日報慈善基金自月前展開「送暖行動2004」以來，接獲十多間社會服務機構申請禦寒物資送贈老弱，亦有個別長者來電索取。日前，記者分別探訪了兩位獨居長者何婆婆與蘇伯，了解他們面對寒冬苦況，兩老盼獲禦寒物品，得以安度寒冬。
日前中午氣溫約二十度，惟記者所見，八十五歲何婆婆仍穿上四件衣服保暖，她無奈地表示：「年紀大，身體差咗，今年我特別怕凍，𠵱家着咗兩件線衫、重要加多兩件冷衫先夠暖，不過夜晚瞓覺就淨得兩張又薄又輕嘅毛氈，惟有關晒全屋嘅窗，等啲風唔好吹入嚟。」
獨居的何婆婆，家中的禦寒物資，僅有兩張朋友送贈的毛氈，以及早年購買的冷衫及外套，就算天氣再冷，何婆婆亦不捨得花錢購買棉被。
大半生為工廠工人的何婆婆，丈夫病逝多年，兩名女兒各有家庭負擔。何婆婆數年前退休後，依賴綜援金維生。何婆婆近年視力退化，平日只會到就近社區中心或公園與街坊聊天，消磨時間。
「平時冇病冇痛，至勉強夠開支，想儲錢買嘢真係好困難。若果有張棉被同衣物，阿婆梗係高興，因為瞓覺嗰陣可以暖笠笠，唔使半夜凍醒嘛﹗」何婆婆坦言。
另一位申請禦寒物資的獨居長者蘇伯，他日前手執床上一張舊棉被向到訪記者訴說：「呢張棉被係社區中心送畀我嘅，用咗十幾年，入面啲棉已經鬆散晒，冚起嚟唔夠暖。」
八十二歲的蘇伯，妻子病逝多年，膝下無兒。蘇伯早年從事雜工，後因患上糖尿病及高血壓，無法工作，被迫提早退休，現靠領取綜援金度日，須節衣縮食。
近年，體弱的蘇伯四肢乏力，不良於行，平日大部份時間留在家中，甚少外出，每天要靠家務助理提供送飯服務，應付一日兩餐，另須定期由義工陪伴他往返醫院覆診。
「呢排夜晚『翻』北風，我好怕凍，惟有喺屋企着多件衫。我冇做嘢好多年、一直冇入息，淨係靠綜援每月都好手緊，重邊度有能力攞二、三百蚊去買張棉被吖！」蘇伯向記者歎道。他盼有一張新棉被，以驅散寒意。
「送暖行動」專戶捐款編號：C0670
暖流熱線
電話：29908688
傳真：23702192
電郵：
網址：
蘇伯向記者展示已用了十多年、已失保暖功能的棉被。