鍾舒漫（Sherman）今日喺商台宣傳新歌《小碎步》，新歌講每個人都有自己嘅步伐，Sherman話：「我好鍾意呢首歌，因為佢好係鍾舒漫鍾意嘅嘢。」佢笑話o依家做藝人比以前忙，自己仲連剪片都撈埋：「不過我覺得係好事，因為畀多啲自由度藝人去表達自己想表達嘅野，總之你有諗頭、你想做，就可以做到。」

Sherman經常拍啲搞笑片上載到社交平台，佢話自己好享受：「好似之前喺車度拍我發癲嗰條片咁，其實係公司提議我，我好願意做，不過都驚㗎。好彩，我見大家留言都好positive，同埋我個心態都係『啋你都傻』。」

佢仲話好友鄭欣宜、J. Arie睇過佢網上嘅短片，都主動想加入一齊拍，Sherman就話冇任歡迎：「總之 enjoy 呢件事嘅人一齊玩就得，可能大家都有偶像包袱，見到有我呢個咁傻嘅喺中間，就好想一齊玩。」

另外，佢表示下月會去好友王君馨嘅婚宴，o依家仲準備緊份驚喜畀對方添。