日本新世代人氣女星有村架純憑日劇《海女》上位，早前佢被爆有個親家姐以藝名新井優子入行，可惜其貌不揚，加上形象麻麻，不時出席寫真私影活動被龍友任影，搞到有村架純嘅事務所唔畀有村公開同新井嘅姊妹關係。

雖然新井同妹妹個靚樣真係差好遠，不過佢今年被傳媒廣泛報道後，令新井知名度大增，越來越多雜誌搵佢拍性感寫真，受妹妹帶挈得以人氣急升。可能自信心大咗，新井近期明顯狀態大勇，而且容貌亦比當初順眼得多，今日佢仲更新twitter上載性感照，還好唔客氣地親自搲撈，叫全日本各地嘅單位可以搵佢舉行私影會，果然好進取喎！