【港姐初選】邊個佳麗最有冠軍相？17歲月球妹VS大媽look麥淑螢
蘋果日報 2020/06/30 10:08
港姐面試
今屆《香港小姐2020》因武漢肺炎疫情，一度宣佈取消，後來又搞「翻生」港姐面試，打出「疫市筍工」口號，又話前所未有要搞網上直播初選，招攬各地女士參選，不過直播一開始卻錯漏百出，約5分鐘後方回復正常，但直播期間仍然有些微聲畫不同步。
由於各方佳麗未經篩選同執樣，品質尚未有保證，佳麗個個心口掛住個「勇」字，群起而攻，只求殺出重圍。搞完網上直播……大台最終都係還原基本步，又係搞番真人面試，以防被「照騙」。
今早就有78位佳麗入電視城進行真人面試，在酷熱天氣警告生效，天文台料最高33度下，各方佳麗為免影響妝效，有不少佳麗在化妝方面，花盡心思，確保不會「溶妝」，務求除下口罩一刻，讓在場傳媒拍攝。一眾佳麗喺康城港鐵站集合，燕瘦環肥樣樣有，「騎呢」亦係看點之一。
就咁睇佢哋件開場「戰衣」均穿連衣褲，暫時只有Yancy及郭栢妍稍為讓人覺得眼前一亮，她們之後就會上車去電視城。
暫時年紀最細的是17歲「月球妹妹」葉芷澄，可能正值青春期關係，面部皮膚比較差，好似月球表面，她稱自己讀英國課程，「選港姐係自己夢想，希望入到十強。」問準備了甚麽？她自信十足：「今日準備咗靚妝、信心同好多笑容。」記者指她的皮膚有啲差，「月球妹妹」都承認：「有少少輸蝕，自己會盡量補救，今次係媽咪提名，屋企人都好支持我。」
26歲的鄺靜汶Cindy是兼職模特兒，她指選港姐抱着順其自然心態，見步行步，自己冇太大期望，中學畢業之後讀助護，對於大台人工低，可能仲低過做助護，想飛上枝頭的鄺靜汶表示：「都可以試吓，自己26歲，仲好後生。」
20歲的Ivy坐Benz到場，十分架勢，她指自己讀大專建築系，目前休學，「因為自己後生乜都可以試吓，屋企人都好支持。」
而22歲的郭栢妍是大熱門，之前網上面試獲網民支持，但表現怕醜唔講嘢，記者大聲問有冇信心？她只說：「盡力。」跟着上車。
暫時年紀最大是27歲騷肩陳詠斯 ，「自己趕尾班車，最後一年可以參加。」做模特兒的她被問到對自己身材是否好有信心？她說：「盡力而為。」問到是否覺得港姐是一份筍工？她表示：「每個人睇法唔同，睇大家追求乜嘢，要學習珍惜機會。 」
26歲「粗眉陳貝兒」鄺靜汶（Cindy）是兼職model，中學畢業後曾做助護。
20歲「細面黃芷晴」Ivy讀大專建築系，家人支持她參選。
17歲「月球劉佩玥」葉芷澄是英國課程生，選港姐是自己的夢想，皮膚有些差，這位月球妹妹由媽咪提名參選。
22歲「靚版陳美詩」郭栢妍被視為今屆大熱門，獲不少網民支持。
27歲「闊面胡杏兒」陳詠斯笑言趕尾班車，職業報稱model。
22歲「翻版何超蓮」梁懿婷（右）戴口罩低調現身，從美國畢業回港。
「雙下巴張寶兒」Yancy一身高貴白色長裙現身。
26歲「教育界仙子」吳秀明是一名音樂老師，拖豹紋篋到場，充滿「原始森林」feel。
25歲混血兒陳希文讀歷史及政治課，參選是為了令公公婆婆開心，笑稱算是被迫。
23歲「蘋果肌JW」Christina曾跳6年國標，選美是她的夢想。
27歲張艾佳打扮有啲國產味，她自言緊張，怕臨場失準。
23歲陳煦凝（Amber）、 24歲黃凱怡 （Yuki )，Amber打扮散發出MK味，Yuki 則似街坊look，「戰衣有啲輸蝕。
26歲「大眼岑杏賢」譚佩兒之前在日本讀兩年日語，本身想參加國際小姐，不過取消咗，先參加港姐。
20歲曾綽瑤（Yoyo）在城大讀法律系，她希望好像麥明詩一樣優秀，自言好鍾意做幕前。
26歲「再戰Mary」麥淑螢由朋友提名今年是最後一年參加；24歲錢若喬（Emily）亦係上屆參選完，今年再接再厲。「再戰二人組」更成為朋友。