要學執屋都有書讀。「執屋Jupp Uk」主理人阿橙現時是美國家居及物品整理協會（National Association of Professional Organizers, NAPO）專業會員，更是香港區唯一一位。要獲得專業認證，她指需修讀三個由NAPO開辦、共14小時的課程，學習理論、技巧及操守，「Online Course嚟，美國時間都幾辛苦。」

阿橙稱自己本身是一個相當「亂」的人，因自出生起未曾搬屋，家中雜物堆積如山，「執嚟執去都唔成功、冇效率。」直到一次見到朋友要搬家，因時間匆忙雞手鴨腳，「聽完好有危機感，萬一到自己嗰陣係咪又係咁呢？」於是從《斷捨離》等書中學習收拾技巧，「同埋人大咗會開竅，捨得放手就執到。」

正式掛牌至今處理20多個執屋委託，但阿橙最難忘的卻是一宗未完成的個案。「搵我嘅係一對母女，爸爸因為中風入院，日後要輪椅出入，但屋企地下放咗好多嘢，想我幫手執返個地方出嚟。」當談好步驟及細節後，還未開工就接到通知指該名父親已離世，「個感受好深，話畀我知想做就要即做唔好等。若果可以整理好房間，亦都可整理好生活，可能間屋唔亂嘅一早就可以接佢出院。」

記者佘錦洪