湯盈盈辯稱有人推車
蘋果日報 2011/12/14 00:00
湯盈盈於08年因醉駕撞傷電單車司機及女乘客，09年3月被判社會服務令160小時及停牌一年，但在上周五播映的第13集無綫劇集《天與地》，被本報發現盈盈涉嫌在停牌期間偷雞揸車，無論近鏡、遠鏡或中鏡，鏡頭都清楚見到盈盈駕駛七人車在街錶位泊車。
停牌期間駕駛最高刑罰可判監禁，事關重大，昨日無綫馬上舉行記者會解釋事件，該劇監製戚其義與無綫外事部副總監曾醒明陪同湯盈盈出席，戚其義表示大家看到出街的車戲只得三、四場：「拍攝遠鏡時用咗拖架，而拍近鏡，部車向前駛時，就有人喺後面推；向後倒車時，就喺後面拉。之後再做後期工作，用電腦捽走拖架同推車嘅工作人員。」但奇怪是中鏡拍攝盈盈駕駛七人車泊S位時，同樣清楚見到盈盈在駕駛，到底工作人員應該向前推？還是向後拉？抑或用車架？又如何捽走？實在是個謎。
停牌期間駕駛最高刑罰可判監禁，事關重大，昨日無綫馬上舉行記者會解釋事件，該劇監製戚其義與無綫外事部副總監曾醒明陪同湯盈盈出席，戚其義表示大家看到出街的車戲只得三、四場：「拍攝遠鏡時用咗拖架，而拍近鏡，部車向前駛時，就有人喺後面推；向後倒車時，就喺後面拉。之後再做後期工作，用電腦捽走拖架同推車嘅工作人員。」但奇怪是中鏡拍攝盈盈駕駛七人車泊S位時，同樣清楚見到盈盈在駕駛，到底工作人員應該向前推？還是向後拉？抑或用車架？又如何捽走？實在是個謎。
湯盈盈這幕揸車泊S位戲，聲稱有人推車再用電腦捽走，如此特技，勁過史匹堡。 電視圖片
「冇撻過車匙」
盈盈因事隔太久，對這場戲已記憶模糊，但她唯一肯定清楚記得：「我冇撻過車匙！部車係冇撻着過！」但停牌期間坐司機位也屬違法，盈盈與戚其義、曾醒明非常愕然，戚其義表示要調查一下，盈盈則表示︰「真係唔知！」她嚴肅地說：「我唔會再冇咗個車牌，我唔會再有呢啲事發生。」那警方可有聯絡她？她表示未有，相信不會，她亦不擔心。
採訪：王崇穎
攝影：葉君海
採訪：王崇穎
攝影：葉君海
湯盈盈涉停牌期間駕駛，監製戚其義（中）及無綫高層曾醒明為其解畫。