證監3高職等人埋位

蘋果日報 2005/12/21 00:00


沈聯濤唔做證監會主席後,又再有華人高層離任。證監營運總裁兼企業融資部執行董事Peter歐陽長恩決定,明年5月底約滿後不續約,重返市場。近日證監已刊登廣告,公開招聘營運總裁職位,而佢嘅企業融資部執行董事職位就重未出ad。Peter加入證監前是滙豐亞太區投資銀行聯席主管,任內最大挑戰是協助恒發私有化,但最終功敗垂成,估唔到3年後恒發又來過,真係歲月催人。
計埋韋奕禮轉任證監主席後留下嘅市場監察部執行董事空缺,證監有3個高層職位等人埋位。聽講市場監察部執行董事個位就快有人選,好可能係外國人,至於營運總裁就以現時證監會主席辦公室顧問莊思滔呼聲最高,佢來自澳洲證監。計落證監高層可能要等分拆總裁主席後,至會見到個華人主席。