當年今日
關於我們

安仔、Sammi提婚期忸怩

蘋果日報 2002/01/15 00:00


許志安與鄭秀文這對情侶分奪《勁歌》「最受歡迎男、女歌星」獎,前晚安仔到達慶功會場時,所有人起哄大嗌「結婚」,後來記者起哄要求安仔與Sammi合照,二人雖然亦順應要求,但卻表現得極不自然。

分頭慶祝
而Sammi與安仔在慶功宴完畢後,並無相約慶祝,Sammi先行回家換衣服,然後與助手到灣仔肥肥火鍋打邊爐。而安仔則與蘇永康及唱片公司人員等,到慶功宴酒店對面的加州紅狂歡至清晨六時許,始醉醺醺地離去。
Sammi曾表示計劃在三十歲結婚,正好她今年將踏入三十歲,而安仔與她又雙雙奪男、女歌星獎,Sammi會否因而決意在今年嫁給安仔?Sammi說:「哈哈哈,唔好問咁嘅問題啦,未來嘅嘢好難答,真係結婚又唔會做訪問嘅。」

夢想成真
而安仔則說:「我哋講過有一日要一齊攞獎,佢兩年前同我講,只要對自己有信心,實會有呢一日。」問他到底是在誰的廚房說這番話?安仔謂:「是但啦。好彩我將呢番話一直放喺心,唔係我就冇力。」至於會否今年結婚一事,安仔說:「唔好講呢啲,唔好問啦。」
採訪:魯萍、胡比、馮美茵
攝影:娛樂突發組、陳志嵐、陳偉權