當年今日
關於我們
關仁隱事:「大地」衰冇品激嬲蟲爺 - 關仁
蘋果日報 2010/11/21 00:00
寶島有個偶像「大地」都幾目中無人,就連大名頂頂嘅「蟲爺」佢都一樣唔放在眼內。話說蟲爺其實都幾睇好大地,仲想搵佢拍戲。點知蟲爺第一次搵大地去北京見面傾吓合作計劃,佢已經話要先睇咗劇本,同埋問明係咪一定搵佢演出,唔係都免問。
唔接電話
一向唔好老脾嘅蟲爺,畀大地咁寸法雖然已經有啲唔高興,但依然讓步喺香港見面,點知見完面落實搵大地做,佢竟然話自己唔想拍古裝,後來蟲爺親自打畀佢,點知佢連電話都唔肯接,激到蟲爺好嬲,應該以後都唔會搵呢條友合作,其實關仁都聽過唔少公司投訴大地乜戲都推,未大紅已經咁囂,睇佢幾時玩完。
Textby關仁