韓星在亞洲各地都勁受歡迎，由於一班韓星現時唔可以隨時返大陸搵真銀，所以香港、台灣同澳門都係佢哋搵錢嘅地方，因為各地同大陸都好近，方便大陸粉絲睇騷，而香港亦喺韓星搵銀嘅熱門之地。

好似每年一度嘅「國慶青年音樂會」今年已到第四屆，之前每次主辦單位都會邀請韓星表演，今年「國慶青年音樂會」就喺10月2號舉行，表演嘉賓方面韓星人數亦再次加碼，根據主辦單位嘅專頁宣佈，今年嘅「國慶青年音樂會」就邀得韓國男團BTOB、男團PENTAGON、男團Highlight成員李起光」女團CLC，連同香港代表糖妹、沈震軒及大陸組合BOY STORY。

不過BTOB中嘅徐恩光日前已入伍，而PENTAGON嘅E'Dawn疑因拍拖被雪，中國成員閆桉則因健康問題停工休養，所以PENTAGON將以8人姿態繼續活動。

中港韓三大代表一次為港迷獻唱，門票勁親民價，只分150元及250元，比起平日動輒索價千元嘅男團女團騷真係平好多，門票將於下周三公開發售。

更多韓流，喺晒《娛果》
http://fb.com/appledailyent