當年今日
關於我們

【智取大市】盲撐警察累死新地(晉佳)

蘋果日報 2019/09/01 13:26

新地恒地晉佳九倉置業

港股周一開市,照計又隨住太子站事件多少受壓。本地概念股跌勢係由7·21過後爆發,證明政治事件牽連至普通市民安全程度,對海外投資者嚟講有好大衝擊,睇嚟8·31事件同樣為本地股添壓。
以8月中發聲明「支持警方執法維護法治」嘅新地(016)為例,7·21前,股價喺135元左右,個幾月股價跌咗17%。同期發聲明「支持警方」嘅恒地(012),亦跌16%。手執香港零售命脈時代廣場、海港城嘅九倉置業(1997)吳光正更首當其衝,8月一篇千字文,叫示威者見好就收,單方面針對示威者暴力升級,7·21後跌近兩成。當然,至今跌市包括咗8月初貿戰升溫因素,但睇走勢可以肯定跌浪由7·21觸發。
講返8·31,明明直播睇到同大叔「格傘」嘅數名示威者,衣着易辯認,一時三刻不易換裝,人物較易鎖定,警察又何必向明顯不涉事件嘅站內市民噴胡椒水、揮棍亂打兼大肆拘捕40人?對於香港警察又一次大規模出錯,即使有中央endorse,亦肯定累死本地大孖沙。
7·21令唔少不理政治嘅香港市民,對香港警察失去信任,點知警察知錯不改整多大大鑊,你話九倉嘅中國收入比例84%就話焗舐共,恒地同新地大陸收入比例分別得25%同10%,喺警察累街坊下,股價跌都跌咗去,後兩者仲係咪要繼續盲目「支持警方」?奶共緊要還是身家緊要?好快就知。
晉佳

-----------------------------
揀樓必備天書 15屋苑則王全紀錄
點擊即睇《全港則王圖鑑》電子書