張曼玉（Maggie）貴為國際級影后，近年養尊處優，嚴選電影劇本，最近更辭演台灣名導蔡明亮為佢度身訂做嘅新片《莎樂美》，專心留喺北京同荷蘭籍建築師男友OleScheeren過二人世界，𠵱家多以出席品牌活動為主，成為時尚界嘅styleicon。Maggie早前成為珠寶名牌伯爵錶嘅全球大使，日前佢又再度為官方拍攝新一輯宣傳硬照，由國際攝影名師PatrickDemarchelier操刀，Maggie着上漂亮晚裝，暫且放下平時最愛嘅型女casualwear，化身優雅look，大賣靚樣，再佩戴Possession系列，明艷照人。