英超不敗之師曼城即將喺周六主場迎戰般尼茅夫，但球隊後防傷兵一籮籮，史東斯、班捷文文迪、高柏尼都有傷在身，搞到要出文加拉呢啲大後備。領隊哥迪奧拿周五出席賽事記者會，仲確認曼城會喺一月簽後衛，但死都唔肯講係邊個。

曼城最近同西布朗中堅莊尼伊雲斯同埋修咸頓中堅華基爾雲迪積克扯上關係，而哥帥就話:「我哋會試下(簽後衛)。我唔知我哋最尾做唔做到，因為呢個轉會市場同夏天嗰個好唔同。我從來冇講過話會簽邊個，呢個當然都要視乎價格。」

曼城咁疊水而且成績又好，似乎要晒雲迪積克同埋伊雲斯都唔成問題。但哥帥亦都透露壞消息，就係新星菲爾科頓足踝受傷，起碼要唞一個月。而好彩嘅係隊長高柏尼就快好翻晒，聽日好有可能上陣。

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM