【新增動新聞】
教育局昨日（16日）宣佈復考舊稱TSA、如今改名叫BCA的小三基本能力評估，但就改為以「不記名、不記校」的方式從全港津校和直資小學中抽出10%小三學生應考，並容許學校自行決定是否參與全級應考。局長楊潤雄今早接受電台訪問時表示，理論上被抽中應考的學生都須參與考試，但若家長拒絕讓子女應考，有關學生都不會受罰。他稱若家長發現BCA無造成操練的問題，應該讓子女應考，以爭取學習經驗。

楊潤雄認為，過去兩年小學因BCA而操練學生的情況已經減少，亦看不到在新安排下學校仍有誘因操練學生，相信學校亦會充份諮詢持份者的意見，才決定是否安排全級小三參與BCA評核。他又稱，當完成今年BCA後，當局會進行問卷調查，了解坊間的反應。

對於有家長擔心學校會以BCA的評核結果作為招生噱頭。楊潤雄強調BCA的評核結果理由只供學校作為改善教學之用，校方不應對外公開。他又重申，教育局不會向負責為學校安排全級應考的考評局查核參與考試的學校名單，以免外界以為當局在背施壓。

楊潤雄昨晚亦在其facebook專頁宣傳BCA的新安排，重申要「讓學童在無壓力下得到必要的學習支援」，更留下「無需特別準備」的hashtag。不過，就引來大批網民「洗板式」留言批評當局再添學生的學習壓力。有家長留言稱「感謝局長令我嘅小朋友平日及放假也要做中英數TSA模擬試卷！」亦有人指出當局留下學校可全級小三應考的選項，學校將繼續得到報告，質疑和過去並無分別，並要求當局公開參與全級應考的學校名單，「難為你都係人哋父母，你啲仔女就讀國際學校毋需承受呢啲無謂嘅壓力，認真地香港有你哋呢班人為恥！」

【網民咁講】
Emily Alyssie：自從反對TSA之後操練嘅功課的確係少咗，但係而家買嘅書簿依然係TSA嘅習作。TSA嘅操練變咗喺課堂上面做，教書嘅時間都少咗，測驗考試嘅時候連考嘅範圍都未教晒，小朋友學業嘅壓力又交返畀家長，為咗成績表分數好，要自學同埋去補習，去補習社好似變咗必須既一樣。

Ming Choi：從無站喺小朋友角度去感受佢哋面對緊嘅嘢，難為你都係人哋父母，你啲仔女就讀國際學校毋需承受呢啲無謂嘅壓力，認真地香港有你哋呢班人為恥！

Fanny Lee：如果學校有機會攞返報告同申請全民應考，操練就無可避免返嚟喎局長。

Sunfai Chan：當孩子係奴隸工具，妄顧家長憂慮，教育局改叫勞教局算啦！

Annie Cheung：操練從來冇發生過！孩子根本唔係做功課做到咁夜！我哋孩子唔想返學原來係假㗎！真係俾佢激到喊！