當年今日
關於我們
隔牆有耳:黎棟國訪加招港二代 - 李八方
蘋果日報 2015/11/06 00:00
特區政府近年不斷呼籲港二代回流,希望佢哋幫幫手,身在加拿大訪問嘅保安局局長黎棟國(圖)亦向加國港人招手。佢出席多倫多一個晚宴,同喺當地居住嘅香港人談及香港最新發展時,向佢哋介紹輸入人才計劃,特別提及特區政府喺今年5月推出、有關輸入中國籍香港永久性居民第二代計劃,八方唔知有冇在席港二代聽完心郁郁,只知計劃實施5個月以嚟反應唔錯,政府批出約80宗申請。
黎棟國此行亦到訪安大略省社區安全及懲教廳,同時去咗加拿大移民及難民局,聽吓局方點樣處理移民同難民問題,並拜訪咗中國駐多倫多代總領事張傳兵。