「上個月我喺洗手間行出嚟，突然間企唔穩，額頭撞落睡房門邊，流到成頭都係血，睇到自己都驚。去到醫院，醫生問我邊個同我報警，我咪話自己慢慢起身行去打電話囉。」陳婆婆說完，向記者展示額頭一道因縫針而留下的疤痕。
以往靠打住家工維生的陳婆婆，大半生都在勞勞碌碌中度過，沒有結婚。早年她在工作時跌倒，導致脊骨受傷，變成駝背。四年前，她的腦部生了一顆良性腫瘤，已動手術切除，惟已「元氣大傷」，近年其身體機能逐漸衰退，容易在家發生意外。
採訪當日，剛巧陳婆婆的腦疾病友胡女士前來探望她，胡女士對陳婆婆的情況亦甚表憂慮。「好多病友都好關心佢嘅情況，勸佢早啲申請平安鐘，不過佢話負擔唔起。」
靠養老金儲蓄過活
陳婆婆自十年前退休後，僅靠以往打工辛苦儲來的養老金過活，並無申請綜援金，在每月「有出無入」的情況下，她每花一分錢亦要算過度過，要她自掏腰包每月繳交平安鐘月費，對她來說實在奢侈得很。
「我𠵱家最怕係喺屋企有起事上嚟冇人知，不過我每日使費都要控制喺二十蚊以內，邊度有本事自己畀錢去裝，惟有聽天由命囉！」孤苦無依的陳婆婆說。