現年十七歲的阿雯,與一般邊緣少女有着「倒模」一樣的背景出身,她於公共屋邨長大,無心向學,父母忙於工作,平常接觸的都是三五成群的屋邨朋黨,直至十四歲那年,她第一次接觸軟性毒品。
「嗰次落D﹙的士高﹚朋友請我食,食完覺得個人浮浮哋、暈暈哋,有啲眼瞓,玩起上嚟high啲,當時心態係反正唔使錢咪試吓囉。」阿雯輕描淡寫地說。
啪丸又高買
為要融入朋輩圈子,阿雯只得隨波逐流,在她的字典裏,壓根兒沒有對與錯的定義,所以,在啪丸之餘,她還試過更為「刺激」的高買。
「我試過偷文具、飾物、零食,同學試過俾人捉住,只係罰錢就算數,所以唔驚,不過話到尾我其實只係貪玩,見同學偷我就偷,唔係冇錢買。」阿雯說。
阿雯外表活像一個乖乖女,故家人並未覺察她已學壞,在這情況下,她本來可以肆無忌憚地沉淪於服食藥物虛擬出來的迷幻世界中,然而,本質不壞的阿雯,過了兩年醉生夢死的荒唐生活後,體內的「抗體」起了作用,令她開始作出反省。
「自己唔鍾意讀書,又搵唔到嘢做,日日喺屋企無所事事都唔係辦法,所以前年由學校社工轉介,參加變革先鋒,學化妝、美容、個人形象設計、電腦,學啲嘢好實用。」經過三個月的改造,阿雯不僅在外表上由一個「金毛箭豬頭」變成長髮披肩的斯文少女,內心深處亦遭洗滌得一塵不染。
當美容學徒
現時,阿雯在一間美容院當學徒,月薪五千多元,已算十分理想,她還躊躇滿志,打算三年內擁有自己的美容事業。
「𠵱家個人成熟咗,已經再冇群番以前班人,我都希望時下嘅雙失青年,可以積極啲,學番一技之長,就唔怕搵唔到工做,生活亦都充實啲。」阿雯說。 捐款編號:C0675