HELPA這網站劃分了不同地區,以全港屋苑及大廈為單位,方便父母找到最就近的街坊幫手湊仔,服務主要分為託兒街坊(送到保母家照顧)和上門保母(保母親自上門),父母可列出需求,例如定期託管、短期託管、接放學等。保母亦可提出願意提供的服務,如包伙食、接返學放學、幫手睇功課等。網站會篩選合適的對象供雙方自由選擇,如果雙方同意,更可交換聯絡,私下傾談細節,運作形式類似補習中介網站,但費用全免,不收佣金,旨在方便家長。Harold補充:「我哋唔會幫手推介某些保母,要家長自己衡量係咪合適,因為我覺得呢個係家長嘅責任,建議直接帶小朋友同對方見面了解,我哋只會負責協助同核實登記者資料的真確性,其他都要靠家長同HELPA嘅互動。」
雖然政府都有社區保母計劃,但硬性規定時薪只得18至22元,很少人願意做,供不應求,所以Harold相信HELPA有一定生存空間,他亦鼓勵使用者給予保母合適酬勞,「不應該是義務,包伙食都要買餸煮飯,收錢都好合理。」Harold認為平台的最大賣點是如果街坊同時幫忙湊幾個小朋友(上限為5個),就算是獨生子女,也可有固定玩伴,對孩子的社交能力有一定幫助。「每日都有4至5個小朋友一齊玩,以後都唔使再去playgroup,可以直接叫英文老師、音樂老師上門,由幾個人share費用,體現到共享經濟,我好希望呢件事會喺呢個平台發生。」