（師兄）及蔡卓妍（Sa）等老友慶祝之外（新聞連結： https://bit.ly/2JZIoTV ），原來佢噚日抽空與200名來自世界各地嘅fans齊齊去迪士尼樂園慶祝生日。

Joey與fans喺高貴又充滿少女氣息嘅Ballroom度開P，後來「特別嘉賓」——電影《優獸大都會》中兩位主角兔仔朱迪同狐狸阿力嚟招呼，Joey曾為朱迪配音，所以見到對方到場，感到相當驚喜，佢話：「完全估唔到佢哋會突然出現，其實我決定嚟之前，已經知道會好好玩，但諗唔到今年已由少女變成美少女嘅我，見到佢哋出現，直情好似返番去細個嗰陣，興奮到不得了。」原來兩位迪士尼明星平日只會出現喺特定嘅主題園區，但啲fans特登向園方提議，最後成功安排朱迪同阿力到場，可與大家大合照。

而Joey另一曾聲演嘅角色《反斗奇兵》嘅翠絲亦有孖住胡迪現身，翠絲更同Joey一齊切生日蛋糕同跳牛仔舞。之後嘅魔術時間環節，魔術師成功「算」出「6181440」呢組數字，原來618係代表派對日期，1440係玩遊戲嗰一刻嘅時間，令現場人士嘖嘖稱奇！而Joey亦記住魔術師贈言「生日快樂 珍惜此刻」。Joey好珍惜呢啲可以同fans親身接觸嘅機會，佢仲話：「每一年生日會都好用心去構思主題，而今年生日會過得份外難忘，粉絲們的心思完全收到哂，好有愛！」

生日會上最後又出現多一對「特別嘉賓」，就係Joey好友王祖藍，原來祖藍與太太李亞男咁啱都喺樂園玩，所以得知Joey開生日會，即刻決定去親自去賀一賀好友。

精選娛聞，喺晒《娛果》
http://fb.com/appledailyent