韓國天團BIGBANG去年回歸同埋展開世界巡迴演唱會，真係忙過不停。

雖然成員T.O.P日前就通過義務員警考試，將於明年初入伍，但都無損BIGBANG嘅發展，根據韓國傳媒報道，BIGBANG今日喺首爾為新歌拍攝MV，預告佢哋即將攜新歌回歸。

而今日台灣《蘋果日報》就爆料指台灣天后張惠妹（阿妹）被台北小巨蛋封殺，指阿妹去年開騷，因過萬名觀眾太興奮跳動，搞到震到附近居民而抗議，因而令阿妹列入黑名單，同時又爆出附近里長有決定通唔通過審批嘅大權，當中松山區中華里里長游吉興接受訪問時亦都話暗示唔畀阿妹再喺小巨蛋開騷，佢仲爆料話里長們有三個黑名單，除咗阿妹外，第二個係張震嶽所屬嘅「兄弟本色」，韓國天團BIGBANG就係第三個，里長話唔希望佢哋喺小巨蛋開騷，但強調唔係針對某啲藝，而係因為場地問題。

至於BIGBANG今年9月亦有到台灣開粉絲見面會，不過當日喺台北嘅場地就唔係小巨蛋，而係林口體育館。