香港商場搞活動催谷人流同生意招數證明可行，𠵱家連內地商場都效法。深圳東門嘅東門朗豪駅，聽有「商場醫生」之稱嘅創基集團沈永年講，會變身成深圳首個以流行電玩同動漫做主題嘅商場，定期跟進市場變化、組織各類促銷活動，重會安排本港藝人每月到場參與宣傳活動，包括簽名會、記者會同喜慶典禮。
商場共三層，頭兩層共一百八十個舖位供出售，上個禮拜喺深圳搞預展，賣咗三十間，套現三千萬人民幣，第三層約一萬一千三百方呎，只租不賣。
另外，發展商深圳市中富田房地產，會喺香港推出三十個舖位供優先認購，平均呎價七千元；董事副總經理王海石話，物業因屬商住用途，所以年期達七十年，比一般商場嘅四十年長。而東門步行街平日人流量五十萬人次，假日就八十萬。
電郵地址：[email protected]