李國祥今日喺新城宣傳新歌《給孩子的話》，佢話o依家讀緊書嘅小朋友好輕易就放棄自己嘅生命，首歌其實希望佢哋掌握返自己嘅人生。

李國祥話首歌仲好啱父母聽：「除咗俾小朋友，都希望父母可以聽到呢首歌，好多時小朋友唔係要物質嘢，其實係想要父母嘅關心。」

負責湊姪仔嘅李國祥，笑謂同姪仔好冤氣成日攬頭攬頸，亦會抽時間接送返學，而且唔會鬧對方，佢話：「教小朋友要將心比心，你做錯野都唔想俾人鬧啦。」佢仲分享咗個親子方法，就係父母盡量唔好理小朋友嘅功課，令到小朋友太依賴：「我成日都叫佢快啲做完功課，就可以快啲去玩。佢自己知道功課差咗，自然就會用心啲，諗下點解錯，反而我會幫佢睇功課。」