容祖兒（Joey）、少爺占與杜汶澤昨日於柴灣香港痙攣協會出席『麥當勞──飽滿愛』活動，Joey與一班痙攣人士一同玩遊戲，並合力拼出一幅大圖畫。
自覺身在福中
Joey與痙攣人士玩得非常投入，而且部份痙攣人士是Joey的fans，他們送上自製的心形字條，寫上「容祖兒、可人兒、唱歌兒、醉心兒」，逗得Joey十分歡喜。
活動舉行時，其中一位自稱是陳奕迅（Eason）fans的痙攣人士向Joey查問Eason下體傷勢，她笑着回答：「係呀！佢都好傷㗎。」
Joey表示今次的探訪活動很有意義，令她知道自己身在福中，她說：「呢啲活動令自己嘅眼光擴闊好多，就算有病，阿媽喺身邊已經好幸福，所以一啲唔好嘅新聞都係小問題嚟啫。」
三萬Fans捧場
此外，早前Joey與許志安（安仔）往西安出席一個紀念毛主席的文藝晚會，她說：「今次嘅旅程真係畢生難忘，第一日由香港出發至目的地嘅交通時間已經用咗十七個鐘，去到酒店又停電，我個髮型師重俾人偷埋個工具箱。
「結果我惟有問安仔個髮型師借工具，事後睇番酒店錄影帶，見到個賊偷嘢嘅過程，總之眼白白睇住個賊偷。不過當地嘅歌迷就好熱情，連安仔都差啲流男兒淚。」
Joey當晚在台上表演時吸引約三萬歌迷捧場，歌迷更熱情地湧上台，差點把Joey掩蓋。
採訪、攝影：卓美娟