莫文蔚（Karen）今日喺銅鑼灣出席護膚品活動，同場仲有馬詩慧女兒王曼喜及張新悅。剛做完個人巡迴演唱會，Karen已馬不停蹄參與大陸歌唱比賽真人騷，佢話興奮又刺激，因為同佢比賽嘅對手，並唔係歌手，只係一般人，Karen話：「都幾好玩o架，因為有啲普通巿民都唱得好勁。」由於要親自教授參賽者唱歌又要比拼，會有輸嘅可能，佢話：「可能會，本身我唔在乎輸贏。」

另外，Karen同老公啱啱過咗結婚周年，已旅行慶祝：「二人世界去咗地中海一個小島玩。」另一對娛圈模範夫婦劉青雲同郭藹明噚日喺活動大晒恩愛，又扭計要小禮物，咁Karen同老公慶祝結婚周年，有冇收到丈夫送嘅戒指？佢話：「我哋好多紀念日，戒指係之前送，唔使個個紀念日送禮物嘅。」