域陀連迪路夫之後，曼聯仲未出現今夏第2簽，一直傳係領隊摩連奴重點收購目標，效力國際米蘭嘅比列錫，轉會可能遇上阻滯，據報意甲班霸祖雲達斯加入戰團，爭簽呢位克羅地亞翼鋒。

據報曼聯已經同比列錫本人傾掂數，同意以10萬鎊（約100萬港元）周薪，加薪一倍轉投紅魔，不過曼聯方面向國際米蘭開價2,600萬鎊（約2.6億港元），國米方面嫌少令交易仲未可以完成。祖雲達斯力圖繼續雄霸意甲，亦對上季聯賽貢獻11入球11助攻嘅比列錫好有興趣，打算出價收購。既然有人爭，國米更加唔會減價，據報佢哋要收到4,500萬鎊轉會費先肯放人。