黃德斌、余香凝同導演陳詠燊今日喺荃灣為電影《逆流大叔》謝票，新婚燕爾嘅黃德斌，噚日喺金鐘一間酒店舉行註冊儀式（新聞連結： https://bit.ly/2NuusD5 ），今日即投入工作，陳詠燊表示好感動，余香凝代劇組向德斌送上「老襯謝票王」獎，黃德斌話：「好開心！」問佢噚晚有冇「造人」？佢笑住話：「咁私人嘅嘢，多謝關心，我會保重身體！」

講到《逆流大叔》已上映第6個星期，直至今日為止已錄得1,350幾萬票房，陳詠燊表示好開心。問到會唔會開續集？陳詠燊話：「好想延續呢份正面、開心同勵志嘅精神，但唔會名正言順話開續集咁行，但度咗劇本先，會原班人馬。」問到佢哋有冇信心票房過2,000萬？黃德斌話：「1,500萬先。」有咩承諾？余香凝話：「之前成班大叔話除衫，等佢哋還咗債先。」黃德斌即刻話：「佢就着短褲打鼓。」

精選娛聞，喺晒《娛果》
http://fb.com/appledailyent