在屯門建生邨長大的Carman，自言直至「屋企樓下變咗戰場」才令她覺醒原來「政治係絕對關生活事」。曾兩次參與「光復屯門」的她，認為當時只因不滿屯門公園被「大媽」霸佔，其後10.1「六區開花」，她當晚在家看到警方於屯門大肆施放催淚煙的直播新聞而感心痛，仍未走上街頭；直至10.28大興發生「不明氣體」事件，令女兒受刺激氣管發病才令她決定走上街頭。當晚很多街坊跟她一樣上街，但這晚她終於「初嚐」催淚彈，醒覺「站出來」才是保衛下一代的最佳方法。

記者：邵靖妍 攝影：徐雲庭

自大興「不明氣體事件」後，每逢屯門發生抗爭活動，她都會留至防暴警收隊才回家，回顧半年轉變，Carman表示：「喺呢場抗爭運動初期，我嘅政治投入度係零。」

她一直把「生活」和「政治」分開，10.28「不明氣體事件」才是轉捩點。當天她帶女兒上街，兩母女突然聞到刺鼻氣味，「即刻用紙巾蓋住佢（女兒）嘅口鼻，然後衝上樓，因為真係好擔心」。她憶述，當時「一出商場門口，成條街嘅人都喺度咳」。當時盛傳不明氣體與警員在附近的大興行動基地施放催淚彈有關，但警方一直否認，她不滿當區區議員沒有跟進，其後有街坊在Facebook號召到大興行動基地追問事件，當晚最終釀成大衝突，對警方再次施放催淚彈驅散市民，她指不滿警方根本無意交代事件，「其實我嗰陣好期待會唔會有個記者會交代吓屯門發生咩事，因為我嗰陣見到成條街嘅人都好嚴重，我聽到喺條街好多白車聲」。她指當晚約100名「踢拖、（穿）睡衣」的屯門居民目標一致，就是要求一個合理交代。

事件最後雖演變成警民衝突收場，但未能討回公道的街坊卻意外地團結成一股力量，「經過建生嗰次之後，會發覺出嚟嘅人好多都會變得越嚟越熟面口，原來你隔籬屋嗰個就係一齊落去幫手嗰個」。自此，每當有抗爭活動發生，屯門街坊都傾巢而出，保衛自己的社區。「我見到一班街坊素未謀面嘅，有啲平時着西裝，有啲係師奶，成頭白髮嘅婆婆都有，會喺附近望住睇吓有冇防暴警察落嚟。」她雖未敢對政府再抱任何希望，但卻在小小的屯門看見曙光。眼見同層的50多歲叔叔「落街教啲抗爭者點樣走，同埋攞啲衫落去畀佢哋替換 」，她感到屯門已經與元朗、天水圍，甚至其他地區的市民「connected」（聯繫上）。

「我只可以講街坊革命令到呢個地區嘅人開始正視政府嘅問題、警暴嘅問題。」而11月24日的區議會選舉，則是這場街坊革命的延伸。「因為呢場運動，我登記做選民，投咗票。」她續指，不少街坊朋友與她一樣是首投族，因想支持政治素人，趕走無視警暴的建制派。

「以前屯門好似平行時空咁，港島有港島打，屯門繼續歌舞昇平。」她指，街坊革命的下一步，就是「同佢哋（候任區議員）齊上齊落，大家一齊幫手，做返好屯門區」。

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568