韓國女團AOA嘅人氣成員雪炫，出名擁有完美身材及一雙招牌長腿，不過佢出道初期曾體重高達132磅，被事務所要求減肥。雪炫亦曾經歷多次減肥失敗，經過長久努力後先成功減到103磅，勁減29磅！雪炫前日演出電台節目《金勝友與張恆俊的Mr.Radio》時，再次提到有關減肥嘅話題。

節目中，主持金勝友向AOA成員詢問關於減肥嘅意見：「活動嘅時候，係唔係都非常努力地減肥？大家都好瘦啊！有冇減肥壓力？」雪炫就表示：「依家唔再因為減肥而有壓力啦，想食嘅食物都會食。」其他AOA成員亦表示：「其實現時每個成員都有自己嘅減肥秘訣，唔似一開始咁難瘦落嚟。」

更多韓流，喺晒《娛果》
http://fb.com/appledailyent