早前有報道指康宏（1019）擬新增「玩具大王」 蔡志明為被告人，康宏總裁吳榮輝今日最少4次讚揚蔡志明是值得尊敬的前輩，表明控告蔡志明的機會不大。他又伸出橄欖枝，指很樂意減少某一方面的訴訟，「公司係做生意，唔係迫不得已唔想告任何人。」

吳榮輝指，蔡志明是大企業家，是社會和自己尊敬的前輩，「喺公司立場有冇需要加蔡先生入被告，機會唔大！」他指，過去數星期仍然找到新證據，例如交易紀錄，但他預計，被告名單不會與早前遞交的呈請差太遠。他坦言，即使律師建議控告蔡志明，亦不一定會跟從。

他指，康宏提出訴訟「唔係要去球場打架，而係要搵返股東嘅錢，唔會因為民事訴訟而亂嚟。」

被問到會否與股東郭曉群提出和解，吳榮輝沒有正面回應，稱自己「有好多朋友」，亦希望有更多朋友幫手。

康宏前主席王利民去年被廉署拘捕後，仍然活躍於Facebook，吳榮輝指香港有言論自由，「講返人話，佢都係以前嘅同事，見到佢咁都唔好受，但ICAC拉人一定係有好多證據，香港唔會亂拉人，所以對佢係傷心又擔心。」

記者：陳雪蕾

蘋果財經，關心你飯碗
http://fb.com/appledailyatm