好多男男女女都喜歡食甜品，可能生活太枯燥，需要靠食甜品來平衡一下。外國有位設計師MatthiasBorowski，設計出一系列甜品家具，買個大「蛋糕」放喺屋企，24小時都甜到漏。
這個家具系列名為「TheImportanceoftheObvious」，用上大量塑膠做原料，製造出似到十足十的啫喱糖、夾心蛋糕等。甜品迷有無心動想買幾件放喺屋企？不過我怕一到夜晚口痕痕，有咁多甜品睇得唔食得，嗰種煎熬仲難受呢？