戰國BASARA 群雄華麗空戰

蘋果日報 2011/07/26 00:00


《戰國BASARA》憑型男索女歷史人物造型俘虜唔少機友心,出game出玩具都相當受歡迎。而PSP《GundamVS》系列隨時隨地對戰,放飯蛇王搭緊車都可以和同事朋友玩番兩手,中毒性夠深。以《GundamVS》系統為基本嘅《戰國BASARA年代群雄》,今集加埋華麗空中戰,應該可以幫機迷同PSP同度剩低唔多嘅日子,邊玩邊等PSVita出呀!

文:阿洛
empty
empty
empty
empty
組隊二打二
《戰國BASARA年代群雄》是09年4月推出嘅《戰國BASARA熱戰英雄》續集,繼續參考《GundamVS》系列操作方法及玩法,卻換上《戰國BASARA》人物,承襲二對二組隊對戰玩法,而且支援最多四人無線通信進行對戰。它繼承上集《戰國BASARA熱戰英雄》嘅save,一開機就打打打,玩法簡單畫面又唔差,繼續成為燃燒時間嘅妙品。
empty
■二抽二中,除自己角色外,可以全部由電腦操控。
empty
■德川家康、織田信長、宮本武藏等角色落齊。
empty
■各個角色皆有華麗嘅攻擊技。
empty
■當然亦有全新關卡會登場。
empty
■誇張嘅武器,令攻擊方法有更多變化。
空中防衞加反彈
同上集最唔同之處,就係今集將空中戰鬥作為重點,戰鬥系統都得以強化,武將們嘅空中動作更加豐富。好似上集一啲無空中遠攻技嘅武將,今集都可以喺空中施展空對空或空對地嘅攻擊,同時亦增加空中防衞動作,面對地對空攻擊唔使硬食,系統大躍進。另外,亦有空中反彈技巧,喺命中對手攻擊剎那間進行防衞,就可以閘住再反彈對手嘅攻擊!
empty
■今集新增空中防衞及攻擊技,空中將成為主要戰鬥舞台。
empty
■空對地攻擊令攻擊玩法更多元化。
自閉地統一天下
今集全數有32名登場武將,收錄由《戰國BASARA》到《戰國BASARA3》嘅大量著名場面,新手一game在手就可以了解《戰國BASARA》整個故事架構。至於無乜朋友又被同學、同事排斥嘅機迷唔使怕,玩二抽二時可將其他角色改為電腦操控外,新增「天下統一戰記」模式,以統一天下為目標,操作武將不停打敗唔同地方敵人擴張領土同勢力,開機不求人。
empty
■唔同地方都要打唔同敵人,增加耐玩性。
empty
■「天下統一戰記」模式,有排玩。
《戰國BASARA年代群雄》
主機:PSP
製作廠商:Capcom
類型:動作
人數:1-4人
empty