【電視台縮皮】FOX體育台唔播德甲 講波佬強尼冇得撈
蘋果日報 2020/09/14 14:05
強尼Fox體育台講波佬德國甲組足球聯賽
（美聯社/IG圖片）
英超、西甲、德甲等各大足球賽事幾個月前因為武漢肺炎全部叫停，令到香港一班「講波佬」慘變零收入，部份要轉行揸車送貨及轉職司機維生。雖然新一季球賽陸續開鑼，但武漢肺炎重創全球經濟下，電視台也不敢再大灑金錢購買大型賽事轉播權，講波佬收入相應減少，據悉播德甲多年的FOX體育台，新一季亦放棄德甲，為FOX體育台擔任多年德甲評述的強尼（許博文）變相「冇得撈」。
強尼日前於IG上載家中等睇英超開波照片，並寫道：「由初入行至今，唯一做足咁多年嘅工作崗位就係足球評述員，對上15年嘅星期六日夜晚，基本上都係喺講波工作中度過。世界變得咁快，我嘅工作亦都一樣，由今季開始，似乎每逢周末我嘅身份應該會由足球評述員變番做個普通球迷嘞......回顧十幾年嘅講波生涯當中，佔唔係太多部份係講英超嘅，就係因為工作，所以我過去可以睇英超嘅時間都唔多，咁由今季開始我仲唔坐響屋企睇返夠本咩！」
強尼2004年加入有線擔任足球評述員，幾年前轉投ViuTV做主持外，亦有為FOX體育台講波。《蘋果》致電強尼了解，他表示：「對上幾年我都有幫FOX講德甲，但新一季嚟緊呢個星期開鑼（9月18日），到而家我都未收通知要講，做咗咁多年都知道發生乜嘢事，以前我哋會好早知，但而家仲未有人出手（買播映權），以前電視台會用好多錢去爭一啲大型賽事獨家播映權，但而家咁嘅時勢真係唔會。」問少了講波工作後可對收入構成大影響？強尼說：「我係自由身講波，以前一個月平均講8場波，咁收入梗係少咗，但未算好多嘅。」
強尼前日在社交網表示由足球評述員變做普通球迷。（IG截圖）
德甲勁旅拜仁慕尼黑今年6月贏得聯賽冠軍。（美聯社）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！