【食花生】樂易玲生日變舊情人見面會 何雁詩掩護蔡思貝避開麥秋成
蘋果日報 2020/07/03 17:15
樂易玲何雁詩蔡詩貝
- 早排何雁詩着超熱褲相影相，睇落似冇着褲。（IG圖片）
- 今日宣傳新歌，一樣好少布。
- 擺番相似pose。
- 日前樂易玲生日會，好多舊情人見面，何雁詩話自己食花生，同時要掩護蔡詩貝。（IG圖片）
何雁詩近日推出新歌《絕望時請點播》，今日到商台宣傳，由於是她首次寫中文歌，笑言有如生仔般緊張。而未婚夫鄭俊弘（Fred）對她的新作滿意：「因為佢好羨慕我同唔同人合作。」
何雁詩和鄭俊弘將於年底舉行婚禮，準新娘秘密作曲送給鄭俊泓，但一次飲醉酒自揭秘密，何雁詩說：「好多人覺得我同佢好戲劇化，其實我哋好簡單平淡，唔會肉麻同唔多嘢講。」又踩男友不夠浪漫：「拍拖周年紀念送拜山嘅花，不過兩個人一齊平淡睇吓電視一齊就好。」何雁詩會將愛情故事投放歌曲中，並笑稱她們是非一般愛情故事。
日前何雁詩日前上載一張穿上超熱褲相到社交平台，睇落極似冇着褲，她表示：「嗰日做完節目先發現冇拉褲鏈，我即搵Fred講，佢話佢都成日係咁，我哋天生一對。」講到何雁詩和Fred參與樂易玲生日會，不少圈中新歡舊愛同場，何雁詩說：「藝人好冷靜，經理人就玩得好開心，唔係寫出嚟都冇留意，見啲人都一pair pair坐，我同蔡思貝坐，Fred同胡鴻鈞、余德承、羅天宇坐，麥秋成就只係見咗一眼，我都唔記得有咁多嘢寫過。」何雁詩即笑笑口自認花生友：「食少咗啦嗰晚，花生可以食飽啲。」