阿仙奴星期日作客同車路士踢成0:0嘅英超聯賽，客軍球星阿歷斯山齊士先列後備，不過上半場一次隊友拿卡錫迪近門射失，山神嘅反應就激嬲咗唔少「廠」迷。

話說上半場尾段當艾朗藍斯射門中柱之後，拿卡錫迪補射又近門將個波射高，電視鏡頭捕捉到阿仙奴後備席唔少人都因為錯失入波大好機會而失望，點知山神就竟然笑起上嚟，仲笑到攬住身邊嘅奧斯賓拿㖭，難怪有網民叫佢快啲離開球隊，甚至叫阿仙奴踢佢走啦！